Üz gərmə əməliyyatı nədir?
Facelifting ilə burun-dodaq büküşləri və yaşlanmanın digər əlamətləri – qaş, yanaq sallanması, qırışlar əməliyyatla bərpa edilir.
Nə zaman ehtiyac vardır?
Hazırda cərrahi olmayan bir sıra estetik prosedurlar geniş yayılmışdır. Məsələn, botoks, dolğu, radiotezlik və lazer enerjisi ilə işləyən cihazlarla edilən prosedurlar. Buna baxmayaraq, əksər insanlarda 50 yaşdan sonra digər üsullarla həll edilə bilməyən dəri sallanması meydana çıxmağa başlayır. Əməliyyata məhz bu zaman ehtiyac yaranır. Xüsusən çənə və boyun nahiyəsindəki sallanma, qulağın önündəki dəri qırışları daha çox gözə çarpır.
Üz gərmə əməliyyatında nə edirik?
Kəsiklər saç xətti, qulaqönü xətt və qulaq arxasında gizli qalacaq şəkildə planlanır. Saçın içindən başlayan kəsik, qulaqönü və qulaqarxası nahiyə boyunca irəlilədilir. Yanaq dərisi qaldırılır və altındakı üz əzələlərini içinə daxil edən SMAS adlı toxumaya gərginləşdirici tikişlər atılır. Daha sonra artıq olan dəri çıxarılır və qalan toxumalar yeni yerinə tikilir. Göz qapağı plastikası və boyun gərməyə ehtiyac varsa, birgə edilə bilər. Bu səbəbdən əməliyyat müddəti 4-7 saat arasında dəyişir.
Əməliyyatından əvvəl nələrə diqqət yetirməli?
Aspirin, E vitamininə bənzər dərmanlar və bitki çayı qəbulu əməliyyatdan əvvəl dayandırılır. Çünki qanın durulaşmasına səbəb ola bilər. Saçlar əməliyyatdan sonra 1 ay ərzində rənglənə bilmədiyi üçün 1 həftə əvvəldən edilməsi məsləhətdir.
Üz gərmə əməliyyatının izi qalırmı?
Yaranacaq izlər istifadə olunan xüsusi tikiş və sarğı materialları ilə minimuma endirilir. Çapıq izi görünmür, çünki daha çox baş dərisinin tüklü hissəsindədir. Qulaq ətrafındakı yara da qulaq-üz birləşmə xəttində olduqda demək olar, aydın görünmür.
Üz gərmə əməliyyatından sonra nələrə diqqət yetirməli?
Maye yığılmasının qarşısını almaq üçün qulağın arxasındakı drenaj 1-2 gündən sonra çıxarılır. Buz tətbiqi sağalma müddətini sürətləndirir. Əməliyyatın ikinci günü xəstəxanadan çıxmaq olar. Üz gərmə əməliyyatından 2 gün sonra duş qəbul edə bilərsiniz. Təxminən bir neçə həftə ərzində üzdə keyimə olması normaldır. Makiyaj edərkən və saçlarınızı darayarkən ehtiyatlı davranın. Üz gərmə əməliyyatından sonra ən azı iki həftə cinsi əlaqə və ağır məşqlərdən çəkinin. Bir neçə ay spirtli içki qəbulu, buxar vannası və sauna kimi fəaliyyətlərdən uzaq olun. Günəşdən qoruyucu kremlər 6 aya qədər mütəmadi istifadə olunmalıdır. Şişkinlik və qançırlar 3 həftəyə keçir. İkinci həftədə işə qayıtmaq mümkündür.
