Blefaroplastika. Göz qapağı əməliyyatı
  • 98
  • 0

Blefaroplastika nədir?

Blefaroplastika göz qapaqlarının formasını dəyişdirmək üçün icra edilən estetik əməliyyatdır. Əməliyyat eyni zamanda yuxarı və aşağı göz qapaqlarını əhatə edə bilər. Göz qapağı plastik əməliyyatında yerli, lazım gələrsə, ümumi anesteziyadan istifadə etmək mümkündür.
Yuxarı göz qapağı əməliyyatını artıq dərini çıxartmaqla həyata keçiririk. Aşağı blefaroplastikanı isə həm artıq dərini çıxartmaq, həm də yağ qatını tənzimləməklə edirik.

Aşağı göz qapağı əməliyyatı

Aşağı göz qapağının blefaroplastikası kirpiklər altında göz qapaqlarının təbii büküşündə kəsilməsindən başlayır. Bu səbəbdən əməliyyatdan sonra kəsik izi bilinmir. Artıq dəri, əzələ və piy toxumasının bir hissəsini çıxarırıq. Sonra boşluqları doldurmaq üçün həmin piy toxumasını yayırıq. Nəticədə aşağı göz qapağı əməliyyatından sonra daha yumşaq və təbii quruluş bərpa olur. Bu, üzə sağlam və gənc görünüş verir.

Yuxarı göz qapağı əməliyyatı

Əməliyyat zamanı artıq dəri ilə yanaşı göz qapaqlarını daha həcmli və ağır edən yırtıq şişkinlikləri də çıxarırıq. Çünki bu, göz qapağının sallanmasına və göz üzərində təzyiq hissinə səbəb olur. Yuxarı göz qapağı əməliyyatında kəsiyi təbii büküşdə həyata keçirdiyimizdən sağalma zamanı praktiki olaraq nəzərə çarpmır. Əməliyyatdan sonra kəsikləri xüsusi kosmetik iplərlə səliqəli, gözəçarpmayan tikişlə örtürük. Blefaroplastikadan 3 gün sonra tikişləri çıxarırıq.

Blefaroplastika əməliyyatından əvvəl nələrə diqqət etməli?

Göz qapağı əməliyyatından 1 həftə əvvəl aspirin və ya oxşar dərmanlardan istifadə etməyin. Həmçinin ginqo-biloba, yaşıl çay kimi bitkilərin qandurulducu təsiri olduğundan 1 həftə əvvəl içməməyiniz məsləhətdir. Yüksək göz təzyiqi, hipertoniya, tiroid xəstəlikləri və quru göz sindromu blefaroplastika əməliyyatında riski artırır.

Göz qapağı əməliyyatından sonra yaxşılaşma mərhələsi

Şişkinlik 1-2 həftə davam edə, lakin bəzən bərpa dövrü bir ay çəkə bilər. Bəzən xəstənin yaşı ödemin sorulmasına təsir edir. Belə ki, zaman keçdikcə toxumalar daha yavaş regenerasiya olur. Buna görə 45 yaşdan sonra şişkinliyin sorulması bir qədər ləngiyə bilər.

Blefaroplastikadan sonra nələrə diqqət etməli?

Prosedurdan sonra istirahət edərkən bir neçə yastıqla başınızı hündürdə saxlamaq ödemin azalmasına kömək edəcək. Göz qapağı əməliyyatından sonrakı ilk günlərdə gərginlik və göz ətrafında yanma şəklində şikayətlər ola bilər. Bunu yüngül ağrıkəsicilər ilə aradan qaldırmaq mümkündür.
Blefaroplastikadan sonra 6 həftə ağır idman, sauna, günəş və buxar vannası kimi prosedurlardan uzaq olun.
Göz qapağı əməliyyatından sonrakı ilk həftələrdə səhər oyanarkən gözlərin şişməsi çox müşahidə olunur. Bu şişlik gün ərzində tədricən azalır. İlk həftələrdə küləyin və günəşin təsirindən gözlərdə qıcıqlanma, sulanma ola bilər. Bunun qarşısını günəş eynəyi ilə almaq mümkündür.

Blefaroplastika nə vaxt edilə bilər?

Gözlər əsl yaşı göstərdiyindən cərrahi düzəlişlə görünüşü əhəmiyyətli dərəcədə yaxşılaşdırmaq mümkündür.

Əsasən bu prosedur orta yaşlı xəstələr arasında tələb olunur. Yaşla əlaqəli dəyişikliklərin ilk əlamətləri insanın yaşlandığını göstərən göz altındakı qırışlar və çantalardır. Sallanma və yırtıq meydana gəlməsinə anatomik meyl varsa, bu prosedur daha gənc yaşda da tələb oluna bilər.

Blefaroplastika üçün göstərişlər:

  •  ptoz və gözlər altındakı çantalar;
  • incə və dərin qırışlar;
  • yorğun baxış;
  • göz qapaqlarındakı qüsurları düzəltmək istəyi;
  • gözlərin formasını dəyişdirmək istəyi;
  • göz künclərinin sallanması.

Blefaroplastika etdirib-etməyəcəyinə qərar verərkən düzəlişə nə qədər gec gedildiyi təqdirdə, izlərin daha çox nəzərə çarpacağını düşünməyə dəyər. Yağ yırtığı varsa, ancaq dəri elastikdirsə, əməliyyat heç bir iz qoymayacaq. Blefaroplastikanın neçə dəfə edilə biləcəyi bir mütəxəssis tərəfindən təyin edilir. Bununla birlikdə, əməliyyatlar arasındakı müddətdən ən azı yeddi il keçməsi lazımdır.

 

Rinoplastika haqqında bilməli olduğunuz vacib faktlar haqqında məqaləmizi oxumaq istəyirsiniz? = > Rinoplastika (Burun əməliyyatı) nədir?

https://www.instagram.com/p/CNg9CAyjzfp/

Fikir bildir

Your email address will not be published. Required fields are marked *